++++++++++++++++++++++++++++++++++++++++++++++++++
ယာဉ်ရပ်နားရာတွင် အမျိုးမျိုးရှိသော်လည်း အများဆုံးမြင်တွေ့ရသည်မှာ သုံးမျိုးသာလျင်တွေ့ရပါမည်။
ယင်းသုံးမျိုးမှာ
၁။ထောင့်တစ်စောင်းပါကင်(Angle Parking)
၂။ထောင့်မှန်အနေအထားပါကင်(Perpendicular Parking)
၃။မျဉ်းပြိုင်ပါကင်(Parallel Parking) ဆိုပြီးရှိရာ တစ်လမ်းမောင်းထွက်ဖို့ရာသတ်မှတ်ထားတဲ့ ထောင့်တစ်စောင်းပါကင်ကို ကျယ်ကျယ်ပြန့်ပြန့် မြင်တွေ့ရပါမယ်။
Angle Parking ထောင့်တစ်စောင်းပါကင်ဟာ အဝင်လမ်းဘက်သို့စောင်းထားတာနဲ့ အထွက်လမ်းဘက်သို့စောင်းထားတာမျိုးမြင်တွေ့ရပါမယ်။အကယ်၍ အဝင်လမ်းဘက်သို့ စောင်းထားလျှင် အတည့်ထိုးရပြီး ပြန်ထွက်လျှင် နောက်ဆုတ်ထွက်ကာ ရှေ့သို့သွားရပါတယ်။အကယ်၍ အထွက်ဘက်သို့ စောင်းထားလျှင် ပါကင်ထိုးတဲ့အခါမှာ နောက်ဆုတ်ထိုးရပြီး ပြန်ထွက်လျှင် ရှေ့သို့ အတည့်အတိုင်း ပြန်ထွက်ရပါတယ်။ပုံတွေနဲ့တွဲကြည့်လျှင် အမြင်ရှင်းပါလိမ့်မယ်။
Perpendicular Parking ထောင့်မှန်အနေအထားပါကင်ကတော့ ရှင်းပါတယ်။နှစ်လမ်းမောင်းတွေမှာ အသုံးပြုတာများပါတယ်။အတည့်ထိုးနိုင်သလို နောက်ဆုတ်လည်းထိုးနိုင်ပါတယ်။အကောင်းဆုံးကတော့ ပါကင်ထိုးလျှင် နောက်ဆုတ်ထိုးတာဟာအကောင်းဆုံးပါပဲ။ပြန်ထွက်လျှင်ဦးခေါင်းနဲ့အတည့်ထွက်နိုင်တာမို့ အခြားယာဉ်တွေကို နှောင့်ယှက်ခြင်းမှ ကင်းစေပါတယ်။
Parallel Parking မျဉ်းပြိုင်ပါကင်ကတော့ လမ်းဘေးကပ်တုံး၊ လမ်းနဲ့အပြိုင် ထိုးရတာမို့ မိမိကပထမဆုံး ပါကင်ဝင်ရတာဆိုမထောင်းတာပေမယ့် ရှေ့ယာဉ်နဲ့ နောက်ယာဉ်နှစ်စီးအကြားထိုးရမယ်ဆိုလျှင် နည်းမှန်လမ်းမှန်ပါကင်ထိုးပါမှ ရပါလိမ့်မယ်။ယခုပါကင်ကို ထိုးရာတွင် ရှေ့မှယာဉ်နှင့်အပြိုင်ရပ်ကာ စတီယာရင်ကို အင်္ဂလိပ်အက္ခရာ “S” ပုံစံအတိုင်း ဆွဲပြီးပါကင်သွင်းမှရပါမယ်။ပါကင်ထိုးရာမှာ အခက်ခဲဆုံးပါကင်လို့ပြောလို့ရပါတယ်။လေ့ကျင့်ဖန်များလျှင် အဆင်ပြေသွားပါလိမ့်မယ်။
ဒါကြောင့် ယာဉ်ရပ်နားခြင်းဟာလည်း အရေးကြီးပါတယ်။အခုအခါမှာတော့ ရန်ုကုန်၊မန္တလေးမြို့ကြီးများမှလွဲ၍ မြန်မာပြည်အနှံ့အပြားမှာ ယာဉ်ရပ်နားဖို့ ကားပါကင်ပြုလုပ်ထားတာမရှိသလောက်ရှားပါသေးတယ်။သို့သော်လည်း ကားကို အလွယ်ရပ်နားတာမျိုး မပြုလုပ်သင့်ပါ။နောင်တစ်ချိန် တောရောမြို့ပါမကျန်ယာဉ်အသုံးပြုမှု ပိုမိုများပြားလာမှာဖြစ်လို့ ကားပါကင်တွေလည်း များလာပါလိမ့်မယ်။အခုကတည်းက စံနစ်တစ်ကျ ယာဉ်ရပ်နားမှုပြုပါလို့ အကြံပြုပါရစေ။
No comments:
Post a Comment